1.30.2007

半生緣



綿綿 長夜獨守 無謂再怨恨 緣定半生
迢迢 長路獨走 尋覺遍遠近 何用人牽引
樂意等候 把心鎖重修 縱千手難偷 愛惜保留
情屬你專有

層層 浮華漸喧 重現碎片段 情念倍添
悠悠 浮雲望穿 人事看厭倦 唯獨情不變
立志守候 雨飄風同舟 苦中可忘憂 以歌解愁 疑惑我想透

邁克《你還愛我嗎》1988

1.27.2007

我有名你叫



『阿邊個邊個?羅d咩俾我!』 『阿邊個邊個?你明唔明我講緊咩?』
『阿邊個邊個,你男友(女友)叫咩名?』 『阿邊個邊個,你幫我叫阿邊個邊個過黎開會!』



凡事都有個起端,呢種咁黑人憎「稱呼」方法始於1990,電影「咖哩辣椒」中一個黑人憎的上司口中,但似乎大家都忘記說這句話是比問侯人家人更侮辱,不過傷害人而強化自己,是人生競賽中爭勝的重要板斧之一,因此我到現在仍無時無刻聽到有說「果個邊個,你過黎」

你識攻,我識守!仲識打反擊!

「阿邊個邊個?」 「阿邊個邊個!我叫阿Matt!」

但呢個世界,低處未算低,你以為自己高,跟本是年少氣盛,不知天高地厚!
果個人之後再無叫我「邊個邊個」

「阿咩呀!你幫我....」 「我有名架,我叫阿Matt!」 「咪叫左你名羅,阿咩丫嘛!」

貪勝不知輸,以為穩守特擊,點知作繭自縛,任人魚肉!

我深深不忿,多年來繼續拆解研究,首先由根部著手,除了負面的想法外,無記性亦可能是其中一個原因!
記憶是把事情密碼化,人家超級記數字大師,用的方法也是把1-100,A-Z,每個數字,字母變成一件自己能夠聯想到的東西,記人名亦是,記我叫阿MATT ,咪由個M字去記,想起我的M字額,就會記起我叫阿Matt !

當然大部份的名字是很普通,我就識八個Cindy,六個Ivy,六個Joe,五個Peter,無數阿儀,阿強.....咁又點記?

我個方法是幫他們改花名,八個Cindy中
Cindy Ma ```密碼是夜總會媽咪
Cindy Lo ```密碼是低能婆(Low B )
CIndy Yan ```密碼是煮野好好味(Yan can cook)
Cindy Wong ```密碼是咸濕(唔係因為記「黃」色,佢真係好咸濕)
Cindy Chan X3 ```呢種情況,要盡量將三個人變成一個種類,但不同型號,例如呢個個案,我會記三個都係
「C cup」,然後最簡單梗係分大中細,所以好多時我見到一個女仔,望住佢個胸,
只不過係記緊佢個名,並非咸濕~`

但改花名其實需要好強的創意,所以我呢個建議,並非個個適用。

「你好!你點稱呼?」 「重要嗎?」

這是我第一次見以故性格演員Joe lee(爆裂刑警內演反派首領毒儂那位)的開場白,「重要嗎?」,這句話如當頭棒喝,令我茅室頓開!


名字只是一個稱呼,忘記我的名字不要緊,還記得我才是最重要,你覺得我重要,還會搞錯我是「油魚」嗎?你有本事令人記住,你的本領就是你的綽號,記得你的綽號,就記得你的名字!你會唔會忘記七旋斬,萬人迷的名字是碧咸,唔會唔忘記三姑是笑死人果個吳君如,擺PO皇是吳鎮宇,新聞女皇是Paris Hilton,勤力皇是劉德華.....


你要記住的是我的型像,我的名字就是這型像的Label,你有出過力,用過心,你的品牌一定有人認同,曾幾何時, 有邊個會想到 「劉華腔」會成為值得談論的唱歌方法,一件冷衫跟豐高偉績一樣,都是織(積)番黎!




如你信,不要問,細心聽,用心看,放聲笑~``

1.26.2007

摩玲



寒冬的早上,久違了的太陽,未訓唔係因為我流連Ebay,又或者打緊機,我都係想訓之前同大家講聲
『Have a good day!』

1.25.2007

Seven



如果真有前世今生下世,我相信下一世我一定做龜,這個推測由「過來龜」七哥話我知!


七哥同其他龜一樣,生出來就要不停向前走,攀過前面所有阻礙物,直至不能不攀越,就會停在那個死角位,面壁自閉,最近我發現七哥愛上掘個窿俾自己匿埋.....


















禮成。然後如果我把海棉再推貼,七哥又會不屈不撓地,再掘出個天地,繼續面壁自閉。熟龜的人告訴我,原來龜一生不是想攀越前面阻礙物,牠只是想「搵個窿捐」,收埋自己,面壁自閉!我又問如果買多隻陪七哥,情況會開朗點嗎,答案是「無關係」,龜是喜歡離群獨處。

如果信前世因,今世果,相信七哥上一世性格一定開朗過吳君如,生活一定開心過徐子淇,朋友一定多過曾志偉,情人一定多過霍公子.....所以今世淪為做龜,悶到無朋友,孤孤獨獨,冷冷清清咁悶一生,仲要龜特別長壽,即係『有排受啦!』

講到呢度,大家應該明白我點解認為下世自己會做龜啦!








越睇七哥越覺得似自己,跟本我影相擺PO就係學佢,不過佢型D之麻!

1.22.2007

Lost & Found



認得她嗎?對!她是 西婷,傳說中,西婷還有位妹妹叫艾法蘭詩婷,一個人獨自流浪於 姨灣,我就肩負起令佢地重逢巨責,必 要佢番黎!



姊妹重聚,笑續顏開

姨灣真偉大,不見了大半世的親人,不需半個星期就找到.....要搵番邊個,都已經不再困難~~``

從前重逢的故事很奇妙,除了話是上天安排,往往我們重遇一樣東西,都是難以致信!

在姨灣上,對住個芒三十幾個鐘,想擁有,驚再失去的愛人終於必到手,情不自禁叫了出來,亢奮得在芒前大唱大叫....很爽呀哦~``

但我認為更興奮的是,上天奇妙的安排,你與他她牠它久別重逢!那種由心發出來的巨大震撼,全身無力,不 由自主l土說一句好老土的電視劇對白

『又會係呢度撞番你?!』


它原先是沒名字的,是從車我放在車上,讓有小朋友坐我車時,給他們解悶,不知何年何日,它消失了......又不知何緣何故,它上星期竟然在電台辦公空內棄置廢物堆中,蓬頭垢面,污穢仍遮掩不去它望穿秋水的婉弱目光! 『又會係呢度撞番你?!』


我帶它回家,替它由頭做起,終於它再次潔白如昔,與它四目交頭,開始懷疑過它是它嗎?不是它又如何呢?至小因為它,我想起過它,我為過它而對它好,忘記它是它~~它今天不再是它,它叫~~`霍艾華



艾法蘭詩婷 霍艾華 西婷

1.21.2007

新相簿




謝謝Angela,新相簿正式登場http://www.imagestation.com/members/unklebeach

此乃公開但有house rule的地方,各位老友要跟據我所發出指定題目發相,呢期題目為「摩天輪」,來罷!

1.19.2007

荃灣沒有 摩天輪



從前在香港只有兩座摩天輪,一個係啟德遊樂場,一個係荔園,兩個都好流,又細又殘,後來啟德執笠,荔園果個殘得更快更勁!唔係我唔會係「初戀無限touch」內,寫左一隻摩天輪壞機噴火gag,其實我覺得係真係會發生!

歐洲四圍都有摩天輪,有大有細,有快有慢,我試下係高富花園坐過一個,快到落地即嘔同暈左半個鐘!但最記得還是在北海道拍七年很癢時,那所colourful的巨型摩天輪~~`



這座摩天輪轉一個圈要十二三分鐘,我們拍攝,一由差池,便要等十二三分鐘後才可以再拍,當時緊張的我,以發問人家難題作情緒宣洩途徑,我問日本製片,為什麼摩天輪不可以轉快一點,他的答案是「夏天就會轉快d,七八分鐘左右,但秋冬就d上左年紀人,所以要十二三分鐘....」 「上左年紀鍾意坐耐d咩?」 「老人家耐d架,後生仔就快手好多?」 「下?!你唔係話上面有人搞野呀?!」 「夏天的學生放暑假,拍拖有咩地方可以去.....佢地邊忍到,上到最頂就造,後生仔,未落到一半就搞掂啦,仲有四份一時間善後....」 我笑到嘴都爆 「咁點解上左年紀就要係秋冬同耐d呢?」 「上年紀秋冬進補,寧捨利害,好多人會同女伴上去....不過佢地手腳慢,起步又慢,所以咪要俾多五六分鐘佢地羅!」

我唔知呢個貌似劉丹的日本製片,究竟講真定係講gag,但佢講完之後,我就全程無坐過,掂過架摩天輪!



我把故事告訴給朋友,叫他試試,他改頭換面,帶愛人去台場的巨型摩天輪上,準備在欣賞日劇名景點彩虹橋的夜色時,向她跪低求婚,夠浪漫掛!點知部摩天輪開行不夠四份一,他的愛人面清口唇白,上到一半,朋友從袋中取出的,不是求婚戒子,是袋中所有的紙巾,因為愛人開始嘔,最後失禁收場...
下次check清楚對方有冇畏高先





無論摩天輪大定小,快定慢,它總會有最低,有最高,有向上,也有向下的時侯,但它從未有停下來!



我還未去嘉年華,唔知點解,見到今年個摩天輪 咁大個有AIA 字樣,我就唔敢坐,硬係似
「今年你坐AIA贊助 摩天輪,就算有咩事,AIA已經為你地買重意外傷亡保險,唔駛驚~`」

唔想坐都想影幅相,但一直無咁閒情,幸好有會員1122 silverbell的一幅佳作借用,又可以慳番唔駛去,既然借得一次,不如乘機搞大,我想收集大家在望界各地,真真假假的摩天輪~~~~照片

angela幫我開條link等大家可以放相上去及去睇!

洗牌黎過



我認為生命是一場牌局,同樣的一百四十四隻牌,卻製造出不同的命運,有人連莊十幾鋪,也有人十幾圈唔開糊,有人密食當三番,有人一生食一鋪最大就夠,誰勝誰負,取決於你的技術+運氣,然後你的性格就成為最後勝負關鍵,有人鋪鋪都造牌,隻隻牌都搏,到頭來輸多贏小,埋單結算都係輸,不過如果你玩得開心,又有咩所謂,會有人會由頭守到尾,最後打和,一團和氣,都唔知打黎為乜?,不過如果你玩得開心,又有咩所謂,又有人穩守突擊,一生等一鋪,食左先發現原來房租好貴,終於嘔凸,早d唔打好過,不過如果你玩得開心,又有咩所謂!

有人打幾十圈先完,有人打唔夠一圈就走左,但無論你是割禾青,還是宿命注定只是戥腳角色,意義不在於長與短,在於你有幾盡力打過鋪牌 『係咁打架喇,輸都無辦法!』 這兩句話不是安慰失敗者的說話,應該是你撫心自問「盡左力未?」 後勉勵自己的口號!

劉青雲閒談中講過,想達到某個階段後,就推lum鋪牌,從新洗牌黎過;我認為不單做演員要這樣,做人亦然!當然做每件事都有代價,放棄現在一切仲要嘔凸,因為詐糊是要賠錢,但你信唔信「包衰詐旺」丫!我信!但並不是信食完詐糊會轉運,是因為你肯去轉變,肯承受沉重的重生壓力,人定勝天! 一定贏~~

但可惜有很多人不是洗牌黎過,而是推牌唔打,因為一時之氣,離檯發現後悔,卻為時已晚,上星期同一個我很愛錫的年輕人飲野,聽見佢輕描淡寫敘述昨晚自殺的過程,我先發現生命原來可以咁兒嬉,「我無後悔過咁做......」我忍住眼淚聽埋佢講「既然死唔去,我知個天應該叫我繼續做人!」 我沒有再出聲,原來不只哭的時侯說不出話,把眼淚強吞落肚,是更語塞,更無言以對~~`

推牌唔打,就算你好好運,之後可以俾機會你再打番,但可能推牌時唔見左一隻,你再得唔到以前的同樣感覺!

傻人,你推牌唔打,以為可以逃避到呢一百四十四隻咩?君不見家下 「紙紮麻雀」幾多款,幾大副咁燒落去,「收野啦!」 去到第度咪一樣要打!倒不如俾多d心機打好而家果鋪啦!

1.18.2007

關我X事



好怕聽到是非,因為來說是非者,便是是非人,有很多東西,還是知得越小越好,更何況在大陪份是非的內容,與我無關,點解要講我知
『關我x事咩!』

1.17.2007

戴安二拾紀蓮



一九八三年,我在電影OUTSIDER第一次見到她,同年的Rumble Fish,我開始記得她,翌年她在Cotton club內,第二次與哥曾拉合作,第一次與當時紅透半邊天的李察基爾合作,看罷的人都封她做新一代性感尤物,我是其中一位,但其實我在她拍cotton club之前的另一部作品,也是我十大喜愛的電影之一,Street of fire時,已把娘放到我的性感女星榜首!

首先聲明,性感並不是因為她有裸露,是她那份冷冷的誘惑,而事實上,他在2002年再與李察基爾合作Unfaithful,導演是拍過孽緣、不道德交易的adrian lyne,另一部我十大喜愛的電影,我才第一次見她裸露的身體,當時她已經三十七歲,那一年奧斯卡,她輸了給The Hours的尼歌潔曼,我真是一萬個唔明,唔通因為尼歌有個假鼻,佢個胸是真!
但無論如何,妳在那部戲的演出,時時刻刻呈現於我腦海,還有,你是唯一一個可以迷到我二十多年的西婦,到現在,妳四十歲了,看到妳,我仍然血脈沸騰,雖然妳在新戲Hollywoodland內戲份不算多,但仍然值得引頸期待!


http://ex-donkey.mu.nu/archives/cat_diane_lane.php

1.16.2007

空氣中...



很奇怪,有時很用心寫的東西,在這裡並不會得到很大的回響,偏偏一個臨訓之前的決定,會得到二十多個留言,令我呢個孤獨GAG佬好溫暖,THX~~`

整日氾濫著不安感,WENNY話有不祥感,會聽不到我的聲音,我其實也有同感,到時又打回原形,做番D自己唔想做PROJECT~``好Panic~``

不過The show must go on! 為大家介紹我新拍擋!









一個我好有期望拍擋,大家俾多dd耐性,斐池中物 !






停一停,小心想清楚,又或者不要再去想,讓不安感不會再蔓延開去~~`

1.15.2007

思想家再見



我是一個思想家,即是凡事只是想,沒有行動,從未試過好好計劃自己的工作,兵來將擋,但今年我滿腦子計劃,至小上半年,我知我想做咩,但偏偏又遇上一些自己無興趣,但做到又會令我聲名大增的工作。
這秒鐘,我作出一個從來都不會的決定,就是推掉這工作,同時逼自己開工,搞個project四圍去賣,推一份有錢收的工作,做一份做完都唔知有會機會收到錢的project,需要好大勇氣,這一秒鐘,我夠膽話你聽我夠膽咁做!

想到就去做!新的開始,勇往直前,共勉之~``

1.14.2007

譚明未到....選揀韋婷



我一直想寫一個這樣的角色,她樣子娟好,但絕對不是天生萬人迷的格局,性格沉默內向,但內心憧憬著美滿的愛情,十八歲那年,她的夢中情人,學校的學長向她展開追求,她受寵若驚,卻按撩著內心的熱情,冷淡地迎接一切...
「你鐘意我D乜?」 學長冷笑「因為你夠特別,有性格,唔同其他女仔!」

她在心裡面翻譯出學長的真意「因為你無好似其他女生咁迷戀我,這是萬人迷的死穴」,她知道只要跟他開始,很快就會到結局,於是她應了學長約會一次,她主動拖學長的手,主動要學長送她回家,在家外不顧一切把初吻獻給他,翌日,學生發現她已停學,據聞轉校到別處...

其實她一直環繞在學長身邊,看著他的女伴如走馬燈般轉換,由女同學到女教師,由女同事到女上師,由太太到秘密情人,她全部見過,多年來,學長以為一次又一次跟她的碰見,是上天緣份的安排,其實一切盡掌握在她的股掌中...你發現玩夠時,她就會在你身邊出現

終於她一等等了十八年,這個學長三十六歲那年,風采不再,萬人迷倫落成落水狗,他需要一個像她一樣,不辭勞苦,愛他又肯照料他的人,天堐淪落兩心知,二人的故事,由下半生開始!如果當日十八歲時,她選擇跟他拍拖,很快學長就會因為其他誘惑而離開她,雖然苦等了十多個寒暑,但換來是與他可以更長久的關係!


Timing is everything!






最近結婚的那個朋友,曾經是超級playboy,要請他的舊女友黎飲,一圍都唔夠坐,這還未包括那些不公開的,以前,我們常猜想他到頭來的女人會是怎麼樣?終於他今日選擇了一個大家從來沒有想像過的太太,平凡簡單,一個從前不會出現於他的list上的人,口賤友如我便說「幾十歲人,都係搵個簡簡單單聽話女人,結婚生仔!」 如果當日他其中一個女友像我的女主角一樣,堅持與他延遲開始,今日會否當上太太角色?


Timing is everything!






另一個樣子其醜的男朋友,卻最近娶了中學時期的校花,當然校花已無復當年美,襯在我這個花名史力加的朋友身上,她仍然是美人....
話說醜樣朋友在中學時開始鍾意校花,但有名校花,裙下之臣排到幾里外,幾時輪到我朋友,朋友只好遙遙的凝望著她,守侯著。離開學校後,校花很快拍上了一個賣床褥的太子爺,世紀婚禮當晚,我這個朋友不肯出席,我們笑他「不如你去到現場,好似上海灘咁搶新娘啦!」 終於, 朋友去到現場,好不容易才說出「祝妳幸福快樂....」視線一直避開新郎...

不竟相方仍然年輕,校花幸福了一年,仔都未生得切,與丈夫關係開始破裂,終於這段婚姻維持了兩年,之後,校花尋尋覓覓,傷過一次又一次,對愛情不再憧憬,年華老去,只想找一個願意照料她餘生的人,醜樣朋友,內心善良,他終於等到了,這一次不是說「祝妳幸福快樂」,而是「我會令妳幸福快樂!」



Timing is everything!



如果ENDING直譯是安定,要得到安定就得要有披唇,因為我們的安定早有編劇寫好,譚明未到,選擇韋婷,絕對是好的啋時!

艾法蘭詩婷、霍艾華

1.12.2007

怪僻



我地玩先過陳強,『請回答我一個問題,你...見過、或者你朋友、你家人,你自己怪僻係點怪法?』

特別鳴所以上榜人仕 哈~```

紅翼 . 皮鞋



鞋櫃裡,點無位,都應該要有對Red Wing,而我喜歡開工時穿著,因為它可以令我「腳踏實地」,好實在地,好放心去博殺,我試過被一度鋼閘夾住,就靠紅翼保護,腳完全無恙;但我不喜歡約會時穿著,情急時,褲脫掉,紅翼仍在,它比對方的衫更難脫掉!如果你無以上經驗,趕快去買一對,你就會知我講緊乜!




























































著Red Wing,應該買大半個,怎至有人一個碼,加番腳墊,加貼身牛仔褲,先襯托出對紅翼的魁梧,好down to earth!鞋底一定要蝕到有咁薄得咁薄,我見過一個日本人的紅翼,個底薄到感受到地面冷暖,那日本人跟我說 「著紅翼著到同地面二合唯一,就是紅翼最靚亦都最後的時侯,有這種感覺,你的紅翼已到最後倒數,著得一次就小一次,那天原來是那日本人的生日,真係過時過節大日子先會拿出來著!

很有趣,一個厚厚的鞋底,最好看是磨損到末期時,它生出來的目的是讓人家去消耗!鞋底外,著得越殘的紅翼鞋面,也是代表你對紅翼的輩份,越殘越高輩份,所以大家可以睇到,上面邊對地位最高,我果對仲係鼻涕蟲階段,未入流.....



讀中學時,我試過番學因皮鞋底太滑,失足倒地,還要當時路經街市外,貨車剛把雞鴨籠掟下,這一跣,令我知道什麼是「身有屎」,還要是雞屎+鴨屎!自那天起,我就討厭穿皮鞋!再加上論放便,論有型,波鞋點會唔好過皮鞋,而家著TUX都係著converse啦!西裝+皮鞋,做sales、office先著;論到保護能力,皮鞋又薄,一定比比紅翼的安全感為低...

因此,我十幾二十年無買過一對「正經皮鞋」!出直上年去日本,跟一班朋友造訪某日本朋友家,呢班朋友個個有造型,簡單唔花巧,我站在其中,不知欠了什麼,他們總比我穩重,有男人味,終於離開時,我在門口位看到下面個景況。





當然你可以覺得對波鞋是萬綠叢中一點紅,很特出,但我咢想咁特出,我想融入,身邊朋友常說我擁有這副身材,穿西裝,官仔骨骨,一定有信服力地好看,我係唔信,買左套西裝,都係要著波鞋,反叛可能好型,但亦都會令自己走多好多冤枉路,如果我早d研究皮鞋,今日都唔駛行咁多路先搵到佢







就是妳,與我一齊踏出第一步~``